İQTİSADİYYAT


Türkmənistan-Azərbaycan Birgə Komissiyasının tərkibi təsdiq edilib

Aşqabad, 1 aprel, AZƏRTAC

Türkmənistan tərəfindən nəqliyyat, tranzit və logistika məsələləri üzrə Türkmənistan-Azərbaycan Birgə Komissiyasının tərkibi təsdiq edilib.

AZƏRTAC xəbər verir ki, Türkmənistan Prezidenti Sərdar Berdiməhəmmədov bu barədə müvafiq qərar imzalayıb.

Dövlət başçısı bu Komissiyanın işinin iri nəqliyyat-logistika layihələrinin həyata keçirilməsində, iki ölkənin tranzit və ixrac potensialında, işgüzar dairələr arasında əməkdaşlığın möhkəmləndirilməsində, eləcə də türkmən və Azərbaycan xalqlarının dostluq və qardaşlıq əlaqələrinin genişləndirilməsində mühüm rolunu vurğuladı.

Xatırladaq ki, Birgə Komissiyasının yaradılması haqqında saziş 2018-ci ildə Azərbaycan Prezidenti İlham Əliyevin Aşqabada səfəri zamanı imzalanıb.

İlahə Əhmədova

AZƏRTAC-ın xüsusi müxbiri

Aşqabad 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.