DÜNYA


Türkmənistanla Qazaxıstanın logistika təşkilatları arasında əməkdaşlıq güclənir

Nur-Sultan, 22 yanvar, AZƏRTAC

Türkmənistan və Qazaxıstanın logistika təşkilatları arasında əməkdaşlıq güclənir.

AZƏRTAC xəbər verir ki, "Türkmən Logistika" Assosiasiyası və Qazaxıstanın "Kazlogistics" Nəqliyyat-Logistika Assosiasiyası arasında əməkdaşlıq memorandumu imzalanıb. Sənəd hər iki tərəfin regional və beynəlxalq tədbirlərdə, qarşılıqlı faydalı həll yollarının yaradılması məqsədilə birgə layihələrin hazırlanmasında və həyata keçirilməsində, habelə beynəlxalq təşkilatların və maliyyə institutlarının investisiya layihələrində iştirakını təmin edir. Bundan əlavə, memorandum “Kazlogistics” və "Türkmən Logistika" arasında məlumat və təcrübə mübadiləsi də daxil olmaqla əməkdaşlıq formasını nəzərdə tutur. Həmçinin təchizat zəncirlərinin və beynəlxalq nəqliyyatın optimallaşdırılması problemlərinə effektiv həllini təmin edən logistika sahəsində müasir rəqəmsal sistemlərin tətbiqi təşkil ediləcək.

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.