İDMAN


UEFA “Avro-2020”nin məhdud sayda tamaşaçı ilə keçirilməsi variantını müzakirə edir

Bakı, 24 sentyabr, AZƏRTAC 

UEFA-nın İcraiyyə Komitəsinin sentyabrın 24-də keçirilən iclasında “Avro-2020”nin məhdud sayda tamaşaçı ilə keçirilməsi variantını müzakirə edib.

AZƏRTAC xəbər verir ki, bu barədə UEFA İcraiyyə Komitəsinin üzvü Aleksey Sorokin məlumat verib.

Turnirə ev sahibliyi edəcək bütün şəhərlərin sistemli şəkildə növbəti yaya hazırlaşdıqlarını bildirən A.Sorokin tamaşaçıların sayının neçə faiz azaldıla biləcəyini açıqlamayıb. O qeyd edib ki, bu suala indi heç bir cavab yoxdur. Bununla belə, qurum rəsmisi bütün problemlərin aradan qalxacağını və oyunların çox sayda tamaşaçı ilə keçiriləcəyinə ümid etdiyini bildirib.

Avropa çempionatı Avropanın 12 şəhərində - Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdamda keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.