SİYASƏT


UKRAYNA ƏDLİYYƏ NAZİRLİYİ UKRAYNA AZƏRBAYCANLILARI KONQRESİ RƏHBƏRLİYİNİN TƏRKİBİNDƏKİ DƏYİŞİKLİYİ TƏSDİQ ETMİŞDİR

Kiyev, 15 iyun (AZƏRTAC). Ukrayna Azərbaycanlıları Konqresindən (UAK) bildirmişlər ki, iyunun 15-də bu təşkilata ölkənin Ədliyyə Nazirliyindən rəsmi sənədlər daxil olmuşdur.

Ukraynanın ədliyyə naziri Aleksandr Lavrinoviçin bu ölkənin “Vətəndaşların birliyi haqqında” Qanununa müvafiq olaraq imzaladığı əmrdə Ukrayna Azərbaycanlıları Konqresinin rəhbər orqanlarının tərkibinə dəyişikliklər barədə məlumatı qurumun 2010-cu il mayın 23-də baş tutmuş hesabat-seçki konfransının qərarı əsasında nəzərə alınmışdır.

Ukrayna Ədliyyə Nazirliyinin Vətəndaş birliklərinin, kütləvi informasiya vasitələrinin və informasiya agentliklərinin mətbu orqanlarının dövlət qeydiyyatının leqallaşdırılması Departamentinin direktoru O.Semerkinanın imzaladığı digər məktubda deyilir ki, Ədliyyə Nazirliyi Ukrayna Azərbaycanlıları Konqresinin hesabat-seçki konfransının qərarı ilə qəbul edilmiş UAK-ın rəhbər orqanlarının tərkibinə dəyişikliklər barədə məlumatı nəzərə almışdır.

Zeynal Ağazadə

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.