İDMAN


U-11 Liqasının iştirakçıları “Avropa Liqası Muzeyi”ndə olublar

Bakı, 29 dekabr, AZƏRTAC

Xəbər verdiyimiz kimi, Bakıda UEFA Avropa Liqasına həsr olunmuş muzey fəaliyyət göstərir. AFFA-nın U-11 Liqasında çıxış edən Azərbaycan Premyer Liqası klublarının müvafiq yaş qrupundan ibarət komandalarının üzvləri muzeyi ziyarət ediblər.

AZƏRTAC xəbər verir ki, AFFA tərəfindən qeyd olunan komandalar üçün əyləncəli proqram təşkil edilib. Əvvəlcə paytaxtın tanınmış məkanlarından birində yemək süfrəsi arxasında toplaşan kiçik yaşlı futbolçular daha sonra UEFA Avropa Liqası muzeyində sərgilənən eksponatlarla tanış olublar.

Muzeyin fəaliyyət göstərəcəyi dekabrın 22-dən yanvarın 7-dək AFFA tərəfindən digər yaş qruplarına aid komandalar üçün də analoji tədbirlər keçiriləcək.

Xatırladaq ki, saat 15:00-dan 22:00-dək ictimaiyyətə açıq olacaq muzeyə giriş ödənişsizdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.