İDMAN


U-17 və U-19 komandalarımızın rəqibləri məlum olub

U-17 və U-19 komandalarımızın rəqibləri məlum olub

Bakı, 8 dekabr, AZƏRTAC

On yeddi və 19 yaşadək qız futbolçulardan ibarət komandalar arasında təşkil olunan Avropa çempionatlarının 2022/2023-cü il mövsümünün ikinci mərhələsinin püşkü atılıb.

AZƏRTAC AFFA-ya istinadla xəbər verir ki, UEFA Millətlər Liqası formatında təşkil olunan seçmə mərhələ oyunlarında müvafiq yaş qrupundan ibarət Azərbaycan milli komandalarının mübarizə aparacaq qrupları müəyyənləşib.

On yeddi yaşadək futbolçulardan ibarət Azərbaycan millisi B Liqasında Bosniya və Herseqovina, Qazaxıstan və Monteneqro yığmaları ilə birlikdə ikinci qrupda mübarizə aparacaq. Bu qrupun oyunları gələn il martın 22-də, 25-də və 28-də Bosniya və Herseqovinada təşkil olunacaq.

B Liqasında qərarlaşan 19 yaşadək futbolçulardan ibarət Azərbaycan millisi isə üç komandalı 5-ci qrupda mübarizə aparacaq. U-19 A Liqasına vəsiqə qazanmaq uğrunda Slovakiya və Monteneqro yığmaları ilə mübarizə aparacaq. Bu qrupun oyunları gələn il aprelin 5-də, 8-də və 11-də Slovakiyada keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.