DÜNYA


Ukraynada bir kişi üçüncü dəfə COVID-19-a yoluxub

Kiyev, 30 iyul, AZƏRTAC

Ukraynanın Ternopol vilayətində bir kişi üçüncü dəfə COVID-19-a yoluxub. AZƏRTAC “rbc.ua” saytına istinadla xəbər verir ki, bunu Ternopol Regional Dövlət Administrasiyasının Səhiyyə şöbəsinin rəisi Vladimir Boqayçuk deyib. Onun sözlərinə görə, bu fakt koronavirus infeksiyasından sağalanların yenidən həmin xəstəliyə yoluxma ehtimalını bir daha təsdiqləyir.

Hazırda Ternopol vilayətində 1075 nəfər koronavirusa yoluxmuş xəstə var və onlardan 144-ü stasionar şəraitdə müalicə alır. Bununla yanaşı, regionda COVID-19 xəstəliyi ilə bağlı vəziyyətin gərginləşməsi müşahidə olunur. Xüsusilə Monastır rayonunda demək olar ki, bütün xəstələr ağır vəziyyətdədir.

Ukraynada COVID-19 virusuna yoluxanların ümumi sayı 68,8 min nəfəri ötüb. Ölkədə bu xəstəlikdən indiyədək 1673 nəfər ölüb.

Emil Hüseynli

AZƏRTAC-ın xüsusi müxbiri

Kiyev 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.