İQTİSADİYYAT


“Uniper” “Qazprom”a qarşı

“Uniper” “Qazprom”a qarşı

Berlin, 5 dekabr, AZƏRTAC

Almaniyanın “Uniper” qaz konqlomeratı ilə Rusiyanın “Qazprom” şirkəti arasındakı münaqişə nə ilə nəticələnəcək? Bu, indi alman şirkətinin müraciət etmək niyyətində olduğu Stokholmdakı Beynəlxalq Məhkəmənin qəbul edəcəyi qərardan sonra məlum olacaq.

AZƏRTAC xəbər verir ki, AFR-in kütləvi informasiya vasitələri iddiaçının 11 milyard avro itirməsi və bu itkinin hətta onun müflisləşməsinə gətirib çıxara biləcəyi barədə xəbəri durmadan müzakirə edirlər. Rusiya şirkətinin qaz tədarükü öhdəliklərini iyun ayından yerinə yetirməməsinə görə ona qarşı tələb irəli sürülüb. “Unıper”in itkisi o dərəcədə əhəmiyyətlidir ki, federal hökumət şirkətin müflisləşməsinin bütün ölkədə sarsıntı yarada biləcəyindən ehtiyat edərək hətta onu milliləşdirmək niyyətində olduğunu elan edib.

Qaz tədarükü üzrə razılaşma şərtlərinin yerinə yetirilməməsi səbəbindən alman şirkəti indiyə qədər qazı kənardan olduqca yüksək bazar qiymətlərinə uyğun almaq məcburiyyətindədir. İddiaçılar əmindirlər ki, bu xərclər şirkətin cavabdehliyinə aid deyil.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.