İDMAN


“Universiada-2023”ün iştirakçıları Rusiyaya vizasız daxil ola biləcəklər

Bakı, 15 oktyabr, AZƏRTAC

Yekaterinburqda keçiriləcək “Universiada-2023”ün iştirakçıları Rusiyaya vizasız daxil ola biləcəklər.

AZƏRTAC TASS informasiya agentliyinə istinadla xəbər verir ki, bu barədə hüquqi məlumat portalında yayımlanan hökumət sənədində bildirilir. Sənədi Rusiyanın Baş Naziri Mixail Mişustin imzalayıb.

Universiadanın Yekaterinburqda keçirilməsi ilə bağlı qərar 2019-cu il iyulun 2-də Beynəlxalq Universitet İdmanı Federasiyasının (FISU) İcraiyyə Komitəsi tərəfindən verilib.

Qeyd edək ki, XXXI Ümumdünya Yay Universiadası 2021-ci ildə Çinin Çendu şəhərində təşkil olunacaq. Ötən il İtaliyanın Neapol şəhərində keçirilən XXX Yay Universiadasında Azərbaycan milli komandası 2 qızıl, 3 gümüş və 2 bürünc medal qazanaraq komanda hesabında 18-ci yerdə qərarlaşıb.

Universiada 2023-cü il avqustun 8-19-da keçiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.