DÜNYA


Vaksinlərin qiyməti artır

Berlin, 3 avqust, AZƏRTAC

Avropa Komissiyası COVID-19 əleyhinə vaksinin qiymətinin ehtimal olunan artımı barədə rəsmi şəkildə elan edib.

AZƏRTAC xəbər verir ki, bu, ilk növbədə, “Biontech/Pfizer” və “Moderna” şirkətlərinin preparatına aiddir. Brüsseldə təsdiqləyiblər ki, tədarük üçün yeni sazişlər barədə Avropa Komissiyası ilə istehsalçılar arasında aparılan danışıqlarda qiymət artımı açıqlanıb. Bu tələb onunla bağlıdır ki, vaksinlərin koronavirusun yüksək yoluxuculuq qabiliyyətinə malik “delta” variantına uyğunlaşdırılmasına ehtiyac var. Virusların yeni mutasiyasına qarşı vaksinlərin adaptasiyası onların dəyərini təkcə Avropa İttifaqı üçün deyil, həm də bütün istehlakçılar üçün bahalaşdırır.

Xəbər verilir ki, “Biontech/Pfizer” dozasının qiyməti 15,5 avrodan 19,5 avroya, “Moderna” vaksininin isə 19 avrodan 21,5 avroya qalxacaq.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.