SİYASƏT


Vətən müharibəsi şəhidlərinin əziz xatirəsi Çexiyada ehtiramla anılıb

Praqa, 28 sentyabr, AZƏRTAC

Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını qurban vermiş bütün şəhidlərimizə dərin ehtiram əlaməti olaraq 27 sentyabr - Anım Günü ilə əlaqədar Çex Respublikasının Praqa şəhərində tədbir keçirilib.

AZƏRTAC xəbər verir ki, Azərbaycan Respublikasının Çex Respublikasındakı səfirliyi tərəfindən təşkil olunan tədbirdə bu ölkədə yaşayan həmvətənlərimiz, tələbələr, iş adamları, o cümlədən ictimaiyyət nümayəndələri iştirak ediblər.

Səfirliyin binasında keçirilən mərasimdə, əvvəlcə 44 günlük Vətən müharibəsi zamanı ölkənin azadlığı uğrunda canlarını fəda verən bütün şəhidlərimizin əziz xatirəsi bir dəqiqəlik sükutla yad olunub.

Tədbirdə Azərbaycanın dövlətçilik tarixinin ən şanlı səhifələrindən olan Vətən müharibəsi barədə fikir mübadiləsi aparılıb. Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun keçdiyi şanlı döyüş yolu nəzərdən keçirilib, Vətən müharibəsinin başlandığı tarixindən bütün xalqımızın öz liderinin ətrafında daha sıx birləşdiyi və yüksək vətənpərvərlik ruhuna malik on minlərlə Azərbaycan gəncinin cəbhəyə könüllü getmək üçün müraciət etdiyi xatırlanıb.

Sonra iştirakçılar Vətən müharibəsinin əzəmətli döyüş səhnələri, Azərbaycan xalqının Vətən uğrunda birliyi əks etdirən fotosərgi ilə tanış olublar.

Pərvanə Qarayeva

AZƏRTAC-ın xüsusi müxbiri

Praqa 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.