MƏDƏNİYYƏT


“XEYİR VƏ ŞƏR” BALETİNƏ İCTİMAİ BAXIŞ OLMUŞDUR

AZƏRTAC xəbər verir ki, fevralın 25-də Azərbaycan Dövlət Opera və Balet Teatrının səhnəsində xalq artisti, professor Tofiq Bakıxanovun “Xeyir və Şər” baletinə ictimai baxış keçirilmişdir.

Azərbaycanın dahi şairi və mütəfəkkiri Nizami Gəncəvinin eyniadlı əsərinin motivləri əsasında səhnələşdirilmiş tamaşada Yer üzərində bir-biri ilə əbədi ziddiyyətdə olan iki qüvvənin - Xeyir və Şərin mübarizəsindən və bu savaşda Xeyirin Şər üzərində mütləq qələbəsindən bəhs olunur.

Tamaşada əsas rollarda əməkdar artistlər Gülağası Mirzəyev (Xeyir), Rimma İsgəndərova, Yelena Skomoroşenko və aparıcı solist Samir Səmədov (Şər) çıxış edirlər.

Səhnə əsərinin quruluşçu baletmeysteri xalq artisti, SSRİ Dövlət mükafatı laureatı Tamilla Şirəliyeva, quruluşçu rəssamı əməkdar rəssam Tahir Tahirovdur. Baletin musiqi rəhbəri və dirijoru xalq artisti Cavanşir Cəfərovdur.

Tamaşanın premyerası fevralın 27-də olacaqdır. Bu balet teatrın yaradıcı kollektivinin cari ildə ilk premyerasıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.