REGİONLAR


Xaçmazda otuz ilə yaxın müəllimlik edən şəhid anası ziyarət olunub

Xaçmaz, 5 oktyabr, Elxan Yusifli, AZƏRTAC

Xaçmazda 5 Oktyabr - Beynəlxalq Müəllimlər Günü münasibətilə şəhid Mahir Məmmədovun anası, 26 il pedaqoji fəaliyyətlə məşğul olan Timziyə Məmmədovaya fəxri fərman təqdim edilib.

AZƏRTAC-ın bölgə müxbiri xəbər verir ki, Xaçmaz Rayon İcra Hakimiyyətinin başçısı Elnur Rzayev 68 yaşlı şəhid anasını evində ziyarət edib.

Şəhid anası rayon icra hakimiyyətinin fəxri fərmanı və xatirə hədiyyəsi ilə mükafatlandırılıb.

Timziyə Məmmədova göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlığını bildirib.

Timziyə Məmmədovanın oğlu Mahir Məmmədov ömrünün 17 ilini Vətənə xidmətə həsr edib. O, 44 günlük Vətən müharibəsində qəhrəmanlıqla döyüşərək şəhidlik zirvəsinə ucalıb. Baş gizir Mahir Məmmədov ölümündən sonra “Füzulinin azad olunmasına görə” və “Vətən uğrunda” medalları ilə təltif olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.