DÜNYA


Xorvatiyanın avrozona arzusu

Zaqreb, 22 sentyabr, AZƏRTAC

Xorvatiya hökuməti 2020-ci ildə Avropa valyuta kursları mexanizminə keçmək və Avrozonaya daxil olmaq üçün yaxın həftələrdə kampaniyaya başlayacaq.

Bu barədə ölkənin Baş naziri Andrey Plenkoviç ABŞ-ın Kolumbiya Universitetinin tələbələri qarşısında çıxışı zamanı bildirib.

Baş nazir bildirib ki, Şengen zonasına və avrozonaya daxil olmaq Xorvatiyanın qarşısında duran əsas vəzifələrdir. Başlanmış kampaniya hökumət və Milli Bank tərəfindən aparılacaq.

Hazırda Xorvatiyanın milli valyutası xorvat kunasıdır. Bir avro 7,5 xorvat kunasına bərabərdir. Xorvatiya 2013-cü ildə Avropa İttifaqına daxil olub.

İqbal Hacıyev

AZƏRTAC-ın xüsusi müxbiri

Zaqreb

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.