DÜNYA


Yaponiya və ABŞ hərbçiləri arasında kiberhücumların qarşısının alınması yarışı keçirilib

Tokio, 23 avqust, AZƏRTAC

Yaponiya özünümüdafiə qüvvələrinin əməkdaşları və ABŞ silahlı qüvvələrinin hərbi qulluqçuları kiberhücumlara qarşı ən yaxşı vərdişlərə malik olanların yarışında iştirak ediblər.

AZƏRTAC xəbər verir ki, Yaponiya özünümüdafiə quru qoşunlarının və ABŞ silahlı qüvvələri kiberməktəbinin mütəxəssislərindən ibarət 12 komanda onlayn yarışda qarşılaşıblar.

İştirakçılar şəbəkənin daha tez təhlili və kodların şifrəsinin daha sürətlə açılması üçün yarışıblar.

Bildirilir ki, bu yarışlar Yaponiya özünümüdafiə qüvvələrinin ABŞ silahlı qüvvələrindən xahişi əsasında təşkil edilib. Yaponiya özünümüdafiə qüvvələrinin rəsmi nümayəndələri kibermüdafiə məsələlərində daha təcrübəli olan ABŞ silahlı qüvvələri ilə əməkdaşlığın davam etdiriləcəyinə ümidvar olduqlarını bildiriblər.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.