İDMAN


Zubirdən “Qarabağ”da yubiley qolu

Zubirdən “Qarabağ”da yubiley qolu

Bakı, 5 dekabr, AZƏRTAC

Abdullah Zubir “Qarabağ”da 40-cı qolunu vurub. Fransalı yarımmüdafiəçinin yubileyi Azərbaycan derbisinə təsadüf edib. O, Azərbaycan Premyer Liqasının “Neftçi” ilə səfər matçında (4:0) fərqlənib.

AZƏRTAC Peşəkar Futbol Liqasına istinadla xəbər verir ki, yarımmüdafiəçi 40-cı qolunu özünün 184-cü oyununda rəqib qapısından keçirib. Zubir ölkə çempionatlarında 29, kubokda 1, avrokuboklarda 10 dəfə rəqib qapısına yol tapıb.

Zubir “Qarabağ”da ilk qolunu 2018-ci il sentyabrın 23-də “Qəbələ” ilə çempionat matçında (4:1) vurub.

Qeyd edək ki, Zubir “Qarabağ”ın tarixi ərzində 40 və ya daha çox qol vuran 13-cü futbolçudur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.