İQTİSADİYYAT
® “AtaBank” yenidən “Mastercard” tərəfindən mükafatlandırılıb
Dekabrın 10-da Bakıda təşkil olunmuş “Mastercard Günü” “JW Marriott Absheron” otelində baş tutub.
“Nağdsız Azərbaycana Doğru” şüarı altında keçən tədbirdə nağdsız əməliyyatların iqtisadiyyatın dayanıqlı inkişafındakı rolundan və bu sahədə innovasiyaların tətbiqindən müzakirələr aparılıb.
İlin nəticələrinə görə, müxtəlif iştirakçılara mükafatlar təqdim olunub. “AtaBank” ASC yenidən “Təmassız POS-terminal sayı ən yüksək olan bank” olub. “Mastercard” ödəniş sisteminin rəsmi nümayəndəsi məhsuldar əməkdaşlığa görə “AtaBank”a təşəkkür edərək daha böyük uğurlara nail olmasını arzu edib.
Nominasiya ilə bağlı “AtaBank” ASC-nin Biznesin İnkişafı departamentinin direktoru Oruc İbrahimov qeyd deyib: “Keçən il olduğu kimi, bu il də POS-terminal sayının yüksək sayda qoruyub saxlamışıq. “AtaBank” olaraq gələcəkdə də nağdsız cəmiyyətin inkişafı üçün çalışacağıq. “AtaBank” əldə etdiyi nailiyyət və uğurlara görə müştərilərinə dərin təşəkkürünü bildirir”.
1993-cü ildən fəaliyyət göstərən “AtaBank” ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında korporativ və fərdi müştərilərə tam xidmətlər spektrini təqdim edir.