® Kouçluq sahəsi rəsmiləşib
Bakı, 22 oktyabr, AZƏRTAC
“Azerbaijan Quantum and Coaching Cooperation” MMC-nin şəxslərin sertifikatlaşdırmasını həyata keçirən orqanı AZS ISO/IEC 17024:2024 “Uyğunluğun qiymətləndirilməsi. Şəxslərin sertifikatlaşdırılmasını həyata keçirən orqanlara dair ümumi tələblər” dövlət standartına uyğun akkreditasiyadan keçərək, "Kouç (səviyyə 6)" akkreditasiya sahəsi üzrə rəsmi imtahan keçirmək və uğurlu olan namizədlərə növbəti 2 (iki) il müddətinə səriştəlilik (peşəkarlıq) sertifikatı (sənədi) vermək hüququ qazanıb.
Səriştəli (peşəkar) kouç (səviyyə 6) sənədini əldə etmək istəyən, 18 (on səkkiz) yaşı tamam olmuş, sağlam, ən az 60 (altmış) saatlıq nəzəri və praktiki kouçluq təlimləri aldıqları barədə sübutları olan namizədlər imtahanlarda iştirak etmək üçün Sertifikatlaşdırma Orqanının sso.az saytından “Kouç (Səviyyə 6) İmtahana MÜRACİƏT” bölməsində ərizəni dolduraraq, SİMA proqramı ilə imzalayırlar.
Sertifikatlaşdırma Orqanının Qəbul Komissiyasında qiymətləndirilən namizədlər Sertifikatlaşdırma Proseduruna əsasən imtahana buraxılırlar. Bu barədə namizədə qəbul edilmək, qəbul edilməmək səbəbləri, imtahan vaxtı, imtahan təlimatı və s. barədə məlumat göndərilir.
Sertifikatlaşdırma Orqanının İmtahan Təlimatına əsasən, “Kouç (səviyyə 6)” namizədləri 2 (iki) mərhələli: test və qabiliyyət imtahanından keçirlər.
Kouçluq prosesinin təşkil edilməsi, kouçluq təlimi və əməyin mühafizəsi mövzularında 60 (altmış) test sualından 80% uğurlu olan namizədlər bu mərhələni keçmiş hesab olunurlar.
“Kouçluq işinin təşkili və planlaşdırılmasını həyata keçirmək”, “Kouçluq prosesinə başlamaq”, “Kouçluq prosesini icra etmək”, “Kouçluq xidmətində keyfiyyəti təmin etmək”, “Peşəkar inkişaf fəaliyyətlərini həyata keçirmək” mövzularından ibarət qabiliyyət (nümunə praktiki sessiya və sessiyanın müdafiəsi) imtahanından 80 faiz uğurlu olan namizədlər bu mərhələni də keçmiş hesab edilirlər.
Hər iki imtahan mərhələsindən uğur qazanan namizədlər növbəti 2 (iki) il müddətinə “Kouç (Səviyyə 6)” səriştəlilik (peşəkarlıq) sertifikatı (sənədi) əldə edərək, fəaliyyət göstərmək (işləmək) üçün əsas qazanırlar.
Sertifikatlaşdırma imtahan proseduru, imtahan təlimatı, məxfilik və qərəzsizlik siyasəti, sertifikatların qüvvədə olma müddətinin uzadılması, dayandırılması və ya ləğv edilməsi proseduru, apelyasiyalar proseduru, sertifikatın yoxlanması və s. barədə əlavə məlumatlar əldə etmək üçün sso.az saytına daxil ola bilərsiniz.
Kouç (səviyyə 6) peşə təqdimatı və peşənin əhatə dairəsi (sərhədləri)
Kouç (səviyyə 6) müştərinin potensialının üzə çıxarılması, yaşam hədəflərinin düzgün müəyyən edilməsi üçün fəaliyyət planı hazırlayan, müştərinin fəaliyyətə keçməsini təmin edərək fəaliyyət prosesini izləyən, müştərinin şəxsi və professional potensialını reallaşdırmağa istiqamətlənmiş fərqindəlik, inkişaf və həll yolu seçimlərini artıraraq bu istiqamətdə məsləhət və dəstəkləyici işləri həyata keçirən peşəkar şəxsdir.
Kouç (səviyyə 6) işlərini əməyin mühafizəsi, ətraf mühitin qorunması, müvafiq hüquqi proseslər və keyfiyyət standartlarına uyğun icra edir. Kouçluq xidmətləri ilə bağlı təqdimat fəaliyyətləri, müqavilə və maliyyə məsələlərinin icra edilməsi, iş proqramının yerinə yetirilməsi və məlumat təhlükəsizliyinin təmin edilməsi kimi işin təşkili fəaliyyətlərini həyata keçirir və peşəkar inkişafı ilə əlaqəli fəaliyyət göstərir.
“Kouç (səviyyə 6)” səriştəlilik (peşəkarlıq) sertifikatı (sənədi) əldə edərək, bu sahədə peşəkar fəaliyyət göstərmək istəyən namizədlər müraciətlərini sso.az saytı vasitəsilə edə bilərlər.
Bölmənin digər xəbərləri
