"HƏRBİ QULLUQÇULARIN PENSİYA TƏMİNATI HAQQINDA" AZƏRBAYCAN RESPUBLİKASININ QANUNUNA DƏYİŞİKLİKLƏR VƏ ƏLAVƏ EDİLMƏSİ BARƏDƏ
AZƏRBAYCAN RESPUBLİKASININ QANUNU
I. "Hərbi qulluqçuların pensiya təminatı haqqında" Azərbaycan Respublikasının Qanununa (Azərbaycan Respublikası Ali Sovetinin Məlumatı, 1992-ci il, N 10, maddə 263, N 13, maddə 491; Azərbaycan Respublikasının 1995-ci il 2 may tarixli 1030 nömrəli Qanunu;
Azərbaycan Respublikasının Qanunvericilik Toplusu, 1998-ci il, N 1, maddə 10; 2001-ci il, N 12, maddə 736; 2002-ci il, N 5, maddə 246, N 6, maddə 328; 2004-cü il, N 4, maddə 202, N 5, maddə 312) aşağıdakı dəyişikliklər və əlavə edilsin:
1) 12-ci-ci maddənin a) bəndində "20 il" sözləri "20 təqvim ili" sözləri ilə əvəz edilsin;
2) 16-cı maddədə:
a) birinci hissədə "Nazirlər Kabineti" sözləri "müvafiq icra hakimiyyəti orqanı" sözləri ilə əvəz edilsin;
b) aşağıdakı məzmunda ikinci hissə əlavə edilsin:
"Döyüş şəraitində döyüş əməliyyatlarında iştirak edən hərbi qulluqçuların bir xidmət ili iki xidmət ili kimi hesablanır. Döyüş şəraitində döyüş əməliyyatlarında iştirak edən hərbi qulluqçuların bir xidmət ilinin iki xidmət ili kimi hesablanması müvafiq icra hakimiyyəti orqanının qərarı əsasında həyata keçirilir. Bü halda həmin qərarda döyüş şəraitinin davam etdiyi müddət göstərilməlidir.".
II. Bu qanun dərc edildiyi gündən qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri, 1 sentyabr 2004-cü il