ABŞ BOMBARDMANLARININ NƏTİCƏLƏRİ
NYU-YORK. Müstəqil araşdırmalar aparmış “Boston qlob” qəzetinin məlumatına görə, ABŞ bombardmanları nəticəsində Əfqanıstanda azı min nəfər dinc əhali, o cümlədən xeyli uşaq həlak olmuşdur. Qəzet bombardmanlara məruz qalmış 14 yeri öyrənərək belə nəticəyə gəlmişdir ki, “bəzi hallarda mülki əhali arasında həlak olanların sayı “Taliban” hərəkatının və “Əl-Qaidə” təşkilatının itkilərindən çox olurdu”.
“Boston qlob” qəzeti bu qənaətə gəlir ki, “analitiklərin rəyinə görə, nisbətən az sayda adamın məhvinə yönəldilmiş yeganə strategiya kimi bombardmanların səmərəliliyini şübhə altına alır”.
Mütəxəssislər dinc əhali arasında belə çox itkini ABŞ təyyarələrindəki silahlarının Pentaqonun iddia etdiyi qədər də dəqiq olmaması ilə izah edirlər.
İTAR-TASS-ın yaydığı xəbərə görə, səbəblərdən biri də kəşfiyyat məlumatının toplanmasındakı səhvlərdir. Bəzən təkcə “Taliban” həkəkatı ilə deyil, həm də öz aralarında müharibə aparan Əfqanıstan səhra komandirlərinin məlumatı əsasında yaşayış rayonlarında hədəflərin düzgün seçilməməsi də müəyyən mənfi rol oynamışdır.
Bölmənin digər xəbərləri
