ABŞ-DA İSLAMA MÜNASİBƏT NECƏDİR?

13.09.2006 [19:42]
Çap et
A⁺ A^-

AZƏRTAC xarici KİV-lərə istinadla xəbər verir ki, ABC teleşirkətinin apardığı sorğunun nəticələrinə görə, amerikalıların 40 faizi İslam haqqında nisbətən tam məlumata malik olduğunu bildirmişdir. ABŞ əhalisinin 41 faizi islam dininə müsbət, 45 faizi isə mənfi münasibət bəsləyir. Onların 33 faizi əmindir ki, islam zorakılığı dəstəkləyir, 54 faizi isə bu fikirlə razı deyildir.

Sorğuda iştirak edənlərin 49 faizi hesab edir ki, Amerika müsəlmanları Birləşmiş Ştatlara sadiqdirlər, 39 faizi isə bunun əksini düşünür. Respondentlərin 44 faizinin fikrincə, Amerika müsəlmanları dini baxışlarını həddindən artıq nəzərə çarpdırırlar (46 faiz bununla razılaşmır). Rəyi soruşulanların 35 faizi Amerika müsəlmanlarının qadınlara hörmətlə yanaşdığını, 52 faizi isə bunun əksini düşünür. Sorğu iştirakçılarının 34 faizi hesab edir ki, onların məscidlərə gedən həmvətənləri Üsəma ben Ladeni dəstəkləyirlər, 54 faizi isə bu fikirlə razı deyildir. Rəyi soruşulanların hər 10 nəfərindən 6-sı bildirmişdir ki, islama, müsəlmanlara düşmənçilik münasibəti bəsləmir.

ABŞ-DA İSLAMA MÜNASİBƏT NECƏDİR?

MÜƏLLİFLƏ ƏLAQƏ

Bölmənin digər xəbərləri