ABŞ-DA SƏKİLƏRƏ REZİN TAVALAR DÖŞƏNƏCƏK

05.08.2006 [18:52]
Çap et
A⁺ A^-

AZƏRTAC xarici KİV-lərə istinadla xəbər verir ki, ABŞ-ın 60-dan çox şəhərinin, o cümlədən Vaşinqtonun küçələrinin səkilərinə tezliklə rezin tavalar döşəyəcəklər.

Şəhərlərin hakimiyyət orqanlarına rezinli səkilər ənənəvi beton səkilərdən üçqat baha başa gələcək, əvəzində, daha çox xidmət edəcəkdir. Bundan əlavə, belə səkilər piyadalar üçün təhlükəsizdir. Ağacların köklərinin şaxələnməsi, təmizləyici texnikanın vurduğu, yaxud temperatur fərqləri nəticəsində aldığı zədələr ucbatından tez-tez dəyişilməsi lazım gələn beton səkilərdən fərqli olaraq, rezin tavalar formasını dəyişmir.

Yenilik ölkə ekologiyası üçün faydalı olacaqdır, çünki səkilərdən ötrü tava daşlar köhnə avtomobil şinlərindən düzəldiləcəkdir.