ABŞ-da son 70 ildə ilk dəfə qadın edam edilib
Bakı, 13 yanvar, AZƏRTAC
ABŞ hakimiyyəti son 70 ildə ilk dəfə olaraq qadın barəsində ölüm hökmünü icra edib.
AZƏRTAC New York Times qəzetinə istinadla xəbər verir ki, müttəhim Liza Montgomeri 2004-cü ildə hamilə qadını xüsusi qəddarlıqla öldürməkdə təqsirli bilinirdi.
Əvvəlcə hökmün dekabrın 8-də İndiana ştatında icra olunması planlaşdırılırdı. Sonradan məhkəmə qərarına əsasən edam yanvarın 12-dək təxirə salınmışdı. Yanvarın 11-də İndiana məhkəməsi ölüm hökmünün icrasını müttəhimin psixi vəziyyətində problem səbəbindən təxirə salınmasına qərar verib. Lakin ABŞ Ali Məhkəməsi bu qərarı rədd edib.
Nəşrin məlumatına görə, Montgomerinin edamı öldürücü iynə vasitəsilə İndiana ştatındakı həbsxanada həyata keçirilib. Qadının ölümü yanvarın 13-də yerli vaxtla saat 01:31-də (Bakı vaxtı ilə 10:31) qeydə alınıb.
Bölmənin digər xəbərləri
