ABŞ-dan olan ekspertlər BDU-da təlimlər keçirir
Bakı, 7 iyul, AZƏRTAC
ABŞ-ın (BDU) “Danbury Hydroponics” şirkətinin qurucusu Dylan Mehri, “Aquaponics Associate” şirkətinin icraçı direktoru Joşua Duşçi, “Transparent Path” şirkətinin baş direktoru Erik Uiver, “Rooted Leaf Agritech” şirkətinin baş direktoru Nick Nikolaev, “GlobalGAP” şirkətinin beynəlxalq standartlar üzrə mütəxəssisi Fuad Ağayev tərəfindən Bakı Dövlət Universitetinin (BDU) Biologiya fakültəsinin müəllim-tələbələri, həmçinin Tədqiqat, İnkişaf və İnnovasiyalar üzrə Mükəmməllik Mərkəzinin əməkdaşları üçün hidroponika və akvaponika sistemləri haqqında onlayn silsilə təlimlər keçirilir.
BDU-dan AZƏRTAC-a bildirilib ki, təlimlər “Hidroponika və akvaponika”, “Qida istehsalı”, “Məhsuldarlıq və qida təhlükəsizliyi” mövzularını əhatə edir. Beynəlxalq mütəxəssislər tərəfindən akvaponika və hidroponika sistemlərinin strukturu, işləmə mexanizmləri haqqında geniş məlumat verilir.
Bölmənin digər xəbərləri
