ABŞ Dövlət katibi Marko Rubio İsrailə səfər edəcək
Vaşinqton, 12 sentyabr, AZƏRTAC
ABŞ Dövlət katibi Marko Rubio sentyabrın 13-ü İsrailə səfər edəcək.
AZƏRTAC-ın Dövlət Departamentinə istinadən verdiyi məlumata görə, səfər zamanı o, İsrail-HƏMAS münaqişəsində Amerikanın prioritetlərini çatdıracaq və ABŞ-ın İsrailin təhlükəsizliyinə sadiqliyini təsdiq edəcək. Bildirilir ki, o, həmçinin HƏMAS-ın bir daha Qəzzada hökm sürməyəcəyini təmin etmək və bütün girovları evlərinə qaytarmaq kimi ortaq məqsədi vurğulayacaq.
Daha sonra Marko Rubio sentyabrın 16-da ABŞ Prezidenti Donald Trampı Birləşmiş Krallığa səfərində müşayiət edəcək və görüşlər keçirəcək.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
