ABŞ GÜRCÜSTANIN TALEYİNƏ BİGANƏ DEYİL
Buş bildirmişdir ki, iki ölkənin liderləri bir sıra məsələlər üzrə yaxşı söhbət keçirdilər. Saakaşvili isə demişdir ki, danışıqlarda digər mövzularla yanaşı, “böyük səkkizliyin” qarşıdakı zirvə toplantısı da müzakirə olundu.
Ağ evin sahibi həmkarını “Gürcüstanda iqtisadi imkanların artmasına təkan verən şərait yaratmağa müvəffəq olduğuna görə” təbrik etmişdir. Lakin vurğulamışdır ki, Saakaşvilini qarşıda hələ çətin işlər gözləyir.
Buş Gürcüstanın NATO-ya qoşulmasının perspektivləri barədə sualın cavabında bildirmişdir ki, alyans bu ölkənin ona daxil olmasından yalnız qazanacaqdır. O demişdir: “Hesab edirəm ki, Gürcüstanın NATO-ya qoşulması onun üçün də, ölkənin özü üçün də faydalı olacaqdır. Gürcüstanın buraya yolunu bir qədər hamarlaya biləcəyimizi müəyyən etmək üçün NATO üzrə tərəfdaşlarımızla işləyirik”.
Saakaşvili səfərdə onu müşayiət edən Gürcüstan jurnalistlərinə müsahibəsində bildirmişdir ki, görüş Gürcüstan üçün tam tarixi xarakter daşımışdır və ölkənin xalqı onun nəticələrini görəcəkdir. Biz ABŞ Prezidenti ilə Gürcüstan üçün bütün həyati əhəmiyyətli məsələləri, o cümlədən münaqişələrin həlli və enerji təhlükəsizliyi məsələlərini müzakirə etdik. Biz Gürcüstan üçün bütün aktual məsələlər üzrə intensiv işi davam etdirəcəyik.
Bölmənin digər xəbərləri
