ABŞ-IN ÖZBƏKİSTANA HUMANİTAR YARDIMI
İTAR-TASS xəbər verir ki, Daşkənd hava limanında “Ümid” əməliyyatı” proqramı çərçivəsində ABŞ hökumətinin Özbəkistana humanitar yardımının verilməsi mərasimi olmuşdur.
ABŞ-ın səfiri, Dövlət Departamentinin əlaqələndiricisi Bill Teylor ümumi dəyəri 50 milyon dollardan artıq olan humanitar yükü təqdim edərkən bildirmişdir ki, bu yardım 16 milyon dollarlıq tibb avadanlığından və materiallardan, habelə qiyməti 30 milyon dollardan çox olan dava-dərmandan ibarətdir. Səfir vurğulamışdır ki, “humanitar yardım layihəsi tamamilə ABŞ Dövlət Departamenti tərəfindən əlaqələndirilir və onun həyata keçirilməsi bu il oktyabrın 15-dək davam edəcəkdir”.
Teylor demişdir ki, “hərbi tibb ekspertləri hədiyyə olunmuş tibb avadanlığının və dava-dərmanın hər bir xəstəxanaya paylanmasını və quraşdırılmasını əlaqələndirəcək və xəstəxana işçilərinə lazımi texniki yardım göstərəcəklər”.
Bölmənin digər xəbərləri
