ABŞ KİLSƏLƏRİ QUANTANAMONU BAĞLAMAĞA ÇAĞIRIR
MKŞ-nin baş katibi pastor Robert Edqar demişdir: “Öz ölkələrini və tarixi ideallarını sevən amerikalılar millətimizin şərəfinin, azadlıq uğrunda mübarizəsinin, demokratiya və qanunçuluq ideallarına sadiqliyinin daim tapdalanmasından dəhşətə gəlirlər”. O bildirmişdir ki, Quantanamo bazasında terrorçuluq fəaliyyətində şübhəli bilinən ərəb ölkələri vətəndaşları saxlanılır. Məhbusların əksəriyyəti artıq dörd ildir heç bir ittiham irəli sürülmədən həbsdədir. Məlumdur ki, Quantonamodakı məhbuslar çox ağır şəraitdə saxlanılır. İki Səudiyyə Ərəbistanı vətəndaşı və bir yəmənli bu yaxınlarda özlərini kameralarında döşəkağı ilə asmışlar. Bu intiharlar insan haqlarının dəhşətli surətdə pozulmasının göstəricisi olub, bəşəriyyət əleyhinə cinayətdir.
MKŞ-nin çağırışını Avropa xristianları da dəstəkləyirlər. İşgəncələr əleyhinə Beynəlxalq Xristianlar Federasiyası da Quantanamo həbsxanasını bağlamağa çağırmışdır.
Bölmənin digər xəbərləri
