ABŞ PAKİSTANA QOŞUN YERİDƏ BİLƏR
Üsəma ben Ladenin Pakistanda olduğu barədə səhih məlumat alınarsa, ABŞ-ın orada hərbi əməliyyata başlayıb-başlamayacağı barədə suala Corc Buş belə cavab vermişdir: “Sözsüz ki, başlayacağıq. Mən Pakistan Prezidenti Pərviz Müşərrəfi “Əl-Qaidə”ni ədalət məhkəməsinə vermək istəyən insanlardan biri kimi tanıyıram”.
Halbuki ABŞ lideri ötən həftə bildirmişdi ki, Pakistan hökumətindən əvvəlcədən razılıq almadan Üsəma ben Ladeni axtarmaq üçün Pakistana hərbi qulluqçular göndərməyəcəkdir. O demişdir ki, “Pakistan suveren dövlətdir”.
ABŞ-ın xüsusi xidmət idarələrinin fikrincə, hazırda ben Laden Pakistanın əlçatmaz dağ bölgələrində - hakimiyyət orqanlarının, demək olar, nəzarət etmədiyi yerlərdə gizlənir. Amma onun məhz harada olduğunu heç kim bilmir.
Bölmənin digər xəbərləri
