ABŞ SƏFİRLİYİNDƏ İFTAR SÜFRƏSİ
Rino Harniş bildirmişdir ki, Azərbaycanda təmsil olunan dini konfessiyaların rəhbərlərini müəyyən günlərdə bir yerə toplamaq artıq ənənəyə çevrilmişdir. Bu gün şeyxülislam, Qafqaz Müsəlmanları İdarəsinin əməkdaşları, Bakının və Xəzəryanı bölgənin yepiskopu Aleksandr ata, Azərbaycanın dağ yəhudiləri icmasının sədri Semyon İxiilov, Avropa yəhudiləri icmasının sədri Gennadi Zelmanoviç, Xilaskar İsa katolik kilsəsinin yepiskopu Yan ata, bir sıra müsəlman ölkələrinin səfirləri bizim qonağımızdır. Bu müqəddəs ayda hamının arasında qarşılıqlı anlaşma və razılıq yaranmasını istərdik.
Şeyxülislam demişdir ki, bizim ənənəyə görə, iftar savab işdir. Ölkəmizdə təmsil olunan dini konfessiyaların rəhbərləri bir süfrə arxasında toplaşırlar. Bu, xalqımızın tolerantlığını bir daha sübut edir. Ramazan sülh, dualar və tövbə ayıdır. İstərdim ki, müqəddəs ay bütün dünya müsəlmanlarının barışıq ayına çevrilsin, müharibə və terrorizm olmasın. Bizi buraya topladığına görə ABŞ-ın səfiri Rino Harnişə təşəkkürümü bildirirəm.
Sonra səfir Rino Harniş jurnalistlərin suallarına cavab vermişdir.
