Abşeronda qətl hadisəsi baş verib
Xırdalan, 23 iyul, AZƏRTAC
Abşeron rayonu, Saray qəsəbəsi ərazisində 2 şəxsin ölümü ilə nəticələnən cinayət hadisəsi baş verib.
Abşeron rayon prokurorluğundan AZƏRTAC-a bildirilib ki, hadisə iyulun 23-də saat 19 radələrində qeydə alınıb. Araşdırma zamanı 1965-ci il təvəllüdlü Mərdan Bağırovun birgə yaşadıqları mənzildə qardaşı 1962-ci il təvəllüdlü Sərxan Bağırova bıçaqla xəsarət yetirərək onu qəsdən öldürməsi, daha sonra isə özünü binadan ataraq intihar etməsinə əsaslı şübhələr müəyyən edilib.
Faktla bağlı Abşeron rayon prokurorluğunda Cinayət Məcəlləsinin 120.1 (qəsdən adam öldürmə) və 125-ci (özünü öldürmə həddinə çatdırma) maddələri ilə cinayət işi başlanaraq istintaq aparılır.
Bölmənin digər xəbərləri
