ABU–DABİDƏ ÇOXMƏRTƏBƏLİ TAXTA EVLƏR TİKİLƏCƏKDİR
Bakı, 17 iyul (AZƏRTAC). Abu-Dabidə (Birləşmiş Ərəb Əmirlikləri) çoxmərtəbəli taxta evlər tikiləcəkdir. Yerli informasiya agentliyi xəbər verir ki, heç vaxt taxtadan tikinti ənənələri olmayan ərəb ölkəsi üçün bu, misilsiz bir qərardır. Yerli şirkətlərdən biri sementin və dəmirin qiymətinin artması üzündən Abu-Dabidə taxtadan evlər tikmək qərarına gəlmişdir.
Ərəbistan yarımadasının meşələrdən məhrum əhalisi ta qədimlərdən dəvə yunundan hazırlanmış çadırlarda və gil evlərdə yaşamışdır. “İmarət Zon” şirkəti ölkədə taxtadan daşınmaz əmlakın illik dövriyyəsini 10 milyard dirhəm (2,7 milyard dollar) məbləğində qiymətləndirir. Prezident fondlarından birinin dəstəyi ilə taxtadan çoxmərtəbəli yaşayış binaları və səhiyyə ocaqları inşa edəcək şirkət bu sahədə xarici tərəfdaşlarla əməkdaşlıq etmək niyyətindədir.
Bölmənin digər xəbərləri
