Ad günü yalnız ildə bir dəfə!
Berlin, 11 sentyabr, AZƏRTAC
Alma, şirin kartof və incə bambukla doldurulmuş və çuğundur şirəsindən hazırlanmış tort-dondurma. AZƏRTAC xəbər verir ki, belə bir hədiyyəni əkiz qardaşlar Pit və Paul ilk ad günündə alıblar.
Doğum gününün səbəbkarları Berlin zooparkında saxlanılır. Hər birinin çəkisi 200 qram olmuş iki panda balası il ərzində böyüyərək 28 kiloqrama çatıb. Onlar təkcə paytaxtın deyil, bütün ölkə sakinlərinin sevimlisinə çevrilib. Uzaq şəhər və kəndlərdən insanlar bu pandaların oyunlarına tamaşa etmək üçün zooparka gəlirlər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
