ADAU-da türk müəllimlərlə görüş
Gəncə, 15 may, AZƏRTAC
Azərbaycan Dövlət Aqrar Universitetinin (ADAU) rektoru Zəfər Qurbanov Türkiyənin Ege Universiteti ilə birgə həyata keçirilən ikili diplom proqramı çərçivəsində universitetdə dərs tədris edən türk müəllimlərlə görüş keçirib.
AZƏRTAC-ın bölgə müxbiri xəbər verir ki, görüşdə ikili diplom proqramının icra vəziyyəti, tədris prosesinin təşkili, tələbələrin akademik hazırlıq səviyyəsi, eləcə də gələcək əməkdaşlıq perspektivləri ətrafında fikir mübadiləsi aparılıb.
Zəfər Qurbanov çıxışında ADAU-da beynəlxalq əməkdaşlığın genişləndirilməsinin universitetin əsas prioritet istiqamətlərindən biri olduğunu vurğulayıb. O, Türkiyənin nüfuzlu ali təhsil müəssisələrindən olan Ege Universiteti ilə həyata keçirilən ikili diplom proqramının tələbələrin beynəlxalq standartlara uyğun bilik və bacarıqlar əldə etməsində mühüm rol oynadığını bildirib.
Görüş zamanı proqram çərçivəsində tədris prosesində iştirak edən müəllimlərin fəaliyyətindən məmnunluq ifadə olunub, tədrisin keyfiyyətinin daha da artırılması, təcrübə mübadiləsinin genişləndirilməsi və birgə elmi-tədqiqat istiqamətlərinin inkişafı ilə bağlı müzakirələr aparılıb.
Türk müəllimlər isə ADAU-da yaradılmış tədris mühiti, tələbələrin dərslərə marağı və universitetin maddi-texniki bazası barədə fikirlərini bölüşüblər.
Müxbir - Elcan Məmmədov
Bölmənin digər xəbərləri
