AEBA-nın baş direktorunun İrana səfəri başa çatıb
Tehran, 25 avqust, AZƏRTAC
İranda səfərdə olan Atom Enerjisi üzrə Beynəlxalq Agentliyin (AEBA) baş direktoru Rafael Qrossi və İranın Atom enerjisi üzrə Agentliyinin baş direktoru Əli Əkbər Salehi avqustun 25-də Tehranda birgə mətbuat konfransı keçiriblər.
AZƏRTAC xəbər verir ki, Ə.Ə.Salehi danışıqlar prosesinin konstruktiv keçdiyini bildirib. Onun sözlərinə görə, danışıqların nəticəsi olaraq, İran ilə AEBA arasında razılıq əldə edilib. Razılıq ondan ibarətdir ki, AEBA İrana aid işə müstəqil və peşəkarlıqla yanaşacaq, rəsmi Tehran isə üzərinə düşən öhdəlikləri yerinə yetirəcək.
R.Qrossi isə bildirib ki, AEBA-nın işinə siyasi təzyiqlərin olmasına və təşkilatın siyasi məqsədlər üçün istifadə edilməsinə yol verməyəcək. R.Qrossinin İran səfəri başa çatıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
