AFRİKA EKOLOJİ FƏLAKƏT QARŞISINDADIR
Mütəxəssislər Afrika göl və çaylarının son onilliklər ərzində peyk vasitəsilə çəkilmiş şəkillərini müqayisə edərək, onların sürətlə dayazlaşdığını bildirmişlər. Bu hal suyu 90 faiz qurumuş Çad gölündə daha çox müşahidə olunur. Duz hasilatı Qanadakı Sonqor gölünün vəziyyətinə son dərəcə pis təsir göstərir, Zambezi çayında tikilən bənd isə bütöv bir çay sistemi üçün təhlükə yaradır. Keniyada Nakuru gölü ətraf ərazilərdə meşələrin sürətlə qırılması üzündən zərər çəkir.
Mütəxəssislərin fikrincə, göllərə vurulan ziyanın miqyasını yalnız kosmosdan görmək mümkündür. Peyk vasitəsilə götürülmüş ölçülər göstərir ki, Afrikanın ən iri içməli su hövzəsi olan Viktoriya gölündə suyun səviyyəsi 1990-cı illərin əvvəlindən bir metr aşağı düşmüşdür. Niger çayının suyundan xəstəliklərin profilaktikası və kənd təsərrüfatının ehtiyacları üçün istifadə edilməsi bu çayda suyun son 20 il ərzində 80 faiz azalmasına səbəb olmuşdur. Proqramın rəhbəri, Almaniyanın keçmiş ətraf mühitin mühafizəsi naziri Klaus Topfer dünya birliyini Afrika iqtisadiyyatı və əhalisi üçün çox mühüm olan su obyektlərinin qorunub saxlanmasına səy göstərməyə çağırmışdır.
Bölmənin digər xəbərləri
