Afrika zeytunları Bakının bəzəyidir
Bakı, 2 yanvar (AZƏRTAC). Son illər ölkəmizdə yaşıllaşdırmaya böyük diqqət yetirilir. Ekoloji cəhətdən dayanıqlı sosial-iqtisadi inkişafa, meşələrin bərpa edilməsinə və artırılmasına dair qəbul olunmuş dövlət proqramları uğurla həyata keçirilir.
Yeni yaşıllıq sahələrinin salınması istər regionlarda, istərsə də Bakı şəhərində artıq ənənə halını almışdır. Şəhərimizin abadlaşdırılmış küçələrinin kənarında, parklarda, xiyabanlarda müxtəlif növ bitkilər əkilir. Bu bitkilər arasında xarici ölkələrdən gətirilmiş zeytun ağacları daha çox diqqət çəkir. Bu ağaclar görünüşünə görə yerli ağaclardan çox fərqlənir. Vətəni Şimali Afrika və Aralıq dənizi hövzəsi olan bu ağaclar daha çox Afrika zeytunu adı ilə tanınır.
Tropik və subtropik iqlimə uyğunlaşmış ağaclar uzunömürlüdür və həmişəyaşıldır. Afrika zeytunları budaqlarının forması və budanmasına görə xüsusi dekorativliyə malikdir.
Bakının bir çox yerlərində, əsasən də aeroport şosesi kimi tanınan yolun kənarlarında bu ağaclara tez-tez rast gəlmək mümkündür.
Bölmənin digər xəbərləri
