AFRİKADA YENİ OKEAN FORMALAŞIR
AZƏRTAC xarici KİV-lərə istinadla xəbər verir ki, Efiopiyanın şimal-şərqində yerləşən Afar çökəkliyində yeni okeanın formalaşması prosesi qeydə alınmışdır. Amerika Geofizika Cəmiyyəti alimlərinin məlumatına görə, ötən ilin sentyabrında 60 kilometrlik rif çökəkliyi üç həftə ərzində genişlənmiş, onun eni isə 8 metrədək artmışdır. Afrikanın tektonik platformasının bir hissəsi şərqə doğru yerini dəyişmişdir. Alimlər peyk müşahidələrinin köməyi ilə yeni parçalanmanın formalaşdığını izləmişlər. Yer səthinin yerdəyişmə sürəti isə sentyabr zəlzələsindən sonra artmışdır.
Geoloqların fikrincə, bu, yeni okeanın yaranmasına gətirib çıxara bilər. Həmin proses milyonlarla il çəkə bilər, lakin alimlərin okean hövzəsinin yaranmasını və inkişafını seyr etmələri üçün elə indidən nadir imkan yaranmışdır.
Bölmənin digər xəbərləri
