Ağcabədidə pambıq yığımına başlanılıb
Ağcabədi, 3 oktyabr, Tahir Ağaməmmədov, AZƏRTAC
Ağcabədi rayonunda pambıqçılıqla məşğul olan fermerlər və torpaq mülkiyyətçiləri məhsul yığımına başlayıblar. Ötən il orta məhsuldarlıq göstəricisinə görə ölkədə qabaqcıllar sırasında olan ağcabədili pambıqçılar bu il də yüksək məhsuldarlığa nail olmağı qarşıya məqsəd qoyublar.
AZƏRTAC-ın bölgə müxbiri xəbər verir ki, 2023-cü ildə rayonda 3770 hektarı “Azərpambıq” MMC, 4392,4 hektarı “MKT İstehsalat Kommersiya” MMC, 2400 hektarı “P-Aqro” MMC, 930,3 hektarı digər şirkətlərlə müqavilə əsasında 11 min 492,7 hektar sahədə pambıq becərilib.
Rayonda pambıq yığımına 54 ədəd kombayn, 134 ədəd traktor, 306 ədəd qoşqu, 15 ədəd yükləyici, 35 ədəd çiləyici cəlb ediləcək. Yığımın ilk günlərində tarlalardan 256,15 ton məhsul toplanıb.
Bu mövsüm rayon üzrə 40 min tondan çox pambıq istehsalı gözlənilir.
Bölmənin digər xəbərləri
