AĞCABƏDİDƏ YENİ MƏKTƏBLƏR TİKİLİR
Ağcabədidəki 2 nömrəli şəhər orta məktəbi üçün 480 yerlik yeni bina tikilib istifadəyə verilmişdir. Binanı Azərkəndtikinti ASC-nin Göyçaydakı 182 nömrəli təmir-tikinti idarəsi inşa etmişdir.
Rayon icra hakimiyyətində AZƏRTAC-ın müxbirinə bildirmişlər ki, regionların sosial-iqtisadi inkişafı Dövlət Proqramına uyğun olaraq, 8 nömrəli orta məktəb üçün 640 yerlik, 7 nömrəli orta məktəb üçün 400 yerlik, 4 nömrəli orta məktəb üçün 360 yerlik yeni binalar inşa olunacaq, 5 məktəbdə əsaslı təmir işləri aparılacaq, 3 məktəbdə isə 460 şagirdlik 23 əlavə sinif otağı tikiləcəkdir. Yeni məktəb binalarının inşası 2007-ci ilədək başa çatdırılacaqdır.
Bölmənin digər xəbərləri
