Ağcabədidə yeni meşə sahələri salınır
Ağcabədi, 23 dekabr (AZƏRTAC). Ağcabədi rayonunda “Azərbaycan Respublikasında meşələrin bərpa edilməsi və artırılmasına dair” Milli Proqrama uyğun yeni meşə sahələri salınır.
Ağcabədi rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, 2010-cu ildə rayonda 110 hektar sahədə yeni meşə sahələri salınmış, kökləndirmək üçün müxtəlif cinslərdən 1,5 hektar sahədə 80 min ədəd qələm basdırılmışdır. 0,55 hektar sahədə şərq çinarı, sərv, Eldar şamı növlərindən ibarət böyütmə sahəsi yaradılmış, 3 hektar sahəyə toxum səpilmiş, 100 hektar meşə əkinlərində bərpa işləri aparılmışdır.
Bölmənin digər xəbərləri
