Ağcabədidə yeni meşələr salınır
Ağcabədi, 26 iyul (AZƏRTAC). Ağcabədi rayonunda yeni meşə sahələri salınır. Rayon icra hakimiyyətindən AZƏRTAC-a bildirmişlər ki, cari ildə rayonda 50 hektar sahədə yeni meşə sahələri salınmış, kökləndirmək üçün müxtəlif cinslərdən 75 min ədəd ting basdırılmışdır.
1.271 hektar meşə və meşə əkinləri suvarılmış, 536 hektar yeni əkilmiş meşə sahələrində xidmət işləri aparılmışdır. Rayonda təşkil edilən ağacəkmə aksiyalarında 4,5 mindən çox tingdən istifadə olunmuşdur. Ekologiya və Təbii Sərvətlər Nazirliyinin bölgüsünə əsasən digər meşə təsərrüfatı müəssisələrinə 100 mindən çox ting göndərilmişdir.
Bölmənin digər xəbərləri
