Ağsuda baş verən qətlin üstü açılıb
Ağsu, 27 mart, AZƏRTAC
Ağsu rayonunun Muradlı kəndi ərazisində əkin sahəsində zorakılıq əlamətləri olan qadın meyiti aşkarlanıb. Meyitin rayon sakini Zahirə Şükürovaya məxsus olması müəyyən edilib.
AZƏRTAC-ın bölgə müxbiri xəbər verir ki, polis əməkdaşları tərəfindən keçirilən tədbirlərlə hadisəni törətməkdə şübhəli bilinən şəxslər – 1977-ci il təvəllüdlü Əyyub Sahabov və 1977-ci il təvəllüdlü Seymur Məmmədov saxlanılaraq istintaqa təhvil verilib.
Araşdırmalarla müəyyən edilib ki, şübhəli şəxslər zərərçəkmişlə aralarında yaranmış mübahisə zəminində ona qarşı zor tətbiq edərək qətlə yetiriblər.
Faktla bağlı araşdırmalar davam etdirilir.
Müxbir - Rəşad Türkoğlu
Bölmənin digər xəbərləri
