AĞSUDA İKİNCİ TELEQÜLLƏ TİKİLİR
Nazirliyin mətbuat xidmətindən AZƏRTAC-a bildirmişlər ki, rayonun Gülüstan adlanan ərazisində tikilən qüllədə radio və televiziya proqramlarının yayımı üçün Azərbaycanda bənzəri olmayan 2 ədəd televiziya və 2 ədəd FM radiovericiləri quraşdırılacaqdır. Televiziyavericilərinin gələcəkdə rəqəmsal yayıma keçirilməsi də nəzərdə tutulmuşdur.
Qülləni elektrik enerjisi ilə təmin etmək məqsədi ilə 10 kilometrlik yüksək gərginlikli elektrik xətti çəkiləcək, fasiləsiz iş rejimini təmin etmək üçün 2 ədəd 133 kilovatlıq və 1 ədəd 50 kilovatlıq dizel generatoru və 3 ədəd gərginlik tənzimləyicisi də quraşdırılacaqdır.
Yeni qüllə istismara verildikdən sonra respublikanın böyük bir ərazisində televiziya-radio proqramlarının daha keyfiyyətli yayımı təmin ediləcəkdir.
Bölmənin digər xəbərləri
