AHILLARIN ŞƏRƏFİNƏ
Ahıllar günü münasibətilə Sumqayıtda xeyriyyə naharı verilmişdir.
Bakı şəhəri İcra Hakimiyyəti başçısının müavini Ramiz Həsənov toplaşanları səmimiyyətlə təbrik edərək bildirmişdir ki, oktyabrın 1-də bütün dünya Ahıllar gününü bayram edir. Ahıl yaşına çatmış 1100 sumqayıtlı şəhərin sosial müdafiə mərkəzi tərəfindən hamiliyə götürülmüş, onlar xidmətçi heyətin gündəlik diqqət və qayğısı ilə əhatə olunmuşlar. Bu insanların bütün məişət problemləri vaxtında həll edilir, onlara vaxtlı-vaxtında ərzaq məhsulları, dərmanlar çatdırılır ki, bu da dövlətin ahıl yaşına çatmış vətəndaşlarına, əməkçilərinə humanist münasibətin təzahürüdür.
Əmək veteranları, pensiyaçılar çıxış edərək, ahıllara göstərdiyi atalıq qayğısına görə Azərbaycan Prezidenti Heydər Əliyevə minnətdarlıqlarını bildirmişlər.
Həmin gün ahılların istifadəsinə verilmiş “Kövsər” restoranında səmimi, mehriban, sərbəst şərait hökm sürmüş, Sumqayıtın bədii özfəaliyyət kolletivləri maraqlı konsert proqramı ilə çıxış etmişlər.
Bölmənin digər xəbərləri
