ALİMLƏR İŞDƏ MÜRGÜLƏMƏYİ MƏSLƏHƏT GÖRÜRLƏR
AZƏRTAC xəbər verir ki, Düsseldorf Universitetinin alimləri bildirmişlər ki, cəmi bir neçə dəqiqə mürgüləmək insanın yaddaşını xeyli yaxşılaşdıra bilər.
Alimlər vurğulamışlar ki, yuxunun özü deyil, məhz mürgüləmə prosesi yaddaşa xeyir gətirir. Yaxın keçmişdə baş vermiş hadisələr mürgüləmə zamanı şüurda “çözələnir”.
Alimlər bildirmişlər ki, yalnız dərin yuxu qısamüddətli yuxudan daha faydalı ola bilər. İş burasındadır ki, yaddaşın təkmilləşməsi dövrü mürgüləmə prosesinə təsadüf edir, dərin yuxu isə bir neçə əsas funksiya üçün, məsələn, beyində yaranmış yanlış əlaqələri “düzəltmək”də böyük rol oynayır.
Alimlərin tədqiqatının doğru olduğunu sübut etmək üçün tarixdən bir neçə misal göstərmək olar. Məlum olduğu kimi, Uinston Çörçill, Marqaret Tetçer, Albert Eynşteyn və Con Kennedi iş gününün ortasında qısamüddətli yuxu həvəskarları olmuşlar.
Bölmənin digər xəbərləri
