“ALMAN DALĞASI”NIN OFİSİNDƏ OĞURLUQ
AZƏRTAC-ın xüsusi müxbiri xəbər verir ki, dekabrın 23-dən 24-nə keçən gecə Daşkənddə qarətçilər “Alman dalğası” radiostansiyasının Mətbuat evinin binasında yerləşən müxbir məntəqəsinin qapısını sındıraraq bahalı aparatları oğurlamışlar. Müxbir məntəqəsinin rəhbəri Yuri Çernoqayev bildirmişdir ki, cinayətkarlar kompüter texnikasını, başqa aparatları, o cümlədən arxivi özləri ilə aparmışlar.
İlk dəfədir ki, jurnalistlər Daşkənddə törədilən oğurluq hadisəsinin obyekti olmuşlar.
Mətbuat evində 50-yə yaxın yerli və xarici kütləvi informasiya vasitəsinin nümayəndəlikləri yerləşir və bu bina milis tərəfindən qorunur.
Bölmənin digər xəbərləri
