ALMANİYADA TƏBİİ FƏLAKƏT

24.06.2004 [17:56]
Çap et
A⁺ A^-

AZƏRTAC-ın xüsusi müxbiri xəbər verir ki, iyunun 23-dən 24-ə keçən gecə Almaniyanın şimalı və şimal-qərbində sürəti saatda 100-120 kilometrə çatan qasırğalı küləklə müşayiət olunan leysan yağışı ölkənin həmin bölgələrini çətin sınaq qarşısında qoymuşdur.

Polisin məlumatına görə, Şimali Reyn-Vestfalendə 275, Saksoniya Anhaltda isə 300-dən artıq ev yerlə yeksan olmuş, çox yerlərdə elektrik və rabitə xətlərini sıradan çıxarmışdır. Güclü qasırğa nəhəng ağacları kökündən qoparmış, avtomobillərin və dəmir yol qatarlarının hərəkətini iflic vəziyyətə salmışdır.

Bir neçə saat tüğyan edən təbii fəlakət nəticəsində ölənlər və yaralananlar da olmuşdur.

Hazırda fəlakətin nəticələrinin aradan qaldırılmasına başlanmışdır. İlkin hesablamalara görə, təbii fəlakət milyonlarla avro zərər vurmuşdur.