ANATOLİ KAŞPİROVSKİYƏ İŞ AÇILMIŞDIR
Mütəxəssislər belə qənaətə gəlmişlər ki, ekstrasens “insanın psixi və fiziki sağlamlığına mənfi təsir göstərən hipnoz metodlarından istifadə edir”.
Prokurorluqda bildirmişlər ki, Kaşpirovskinin barəsində iş vətəndaşların və dini konfessiya nümayəndələrinin müraciətlərinə əsasən açılmışdır. Onlar ekstrasensin iştirakı ilə keçirilən seansların qanuniliyini yoxlamağı tələb etmişlər.
Bundan başqa, bildirilir ki, yoxlamalar zamanı Kaşpirovski ilə əlaqəyə girən sahibkar cərimələnmişdir. O, ekstrasensin çıxışlarının çəkildiyi audio-video məhsullar və bu çəkilişlər zamanı paketlərə qablaşdırılmış adi duz satırmış.
Xatırladaq ki, noyabrın 17-də Rusiya Federal İstehlaknəzarət Xidməti Kaşpirovskinin “ovsunladığı” duzun satışını dayandırmışdır.
Psixoterapevt həkim adlandırılan Anatoli Kaşpirovski 1989-cu il oktyabrın 9-da Mərkəzi televiziyada ilk “sağlamlıq seansı”ndan sonra məşhurlaşmışdır. Televizorların ekranlarından ekstrasensın tamaşaçılara verdiyi “göstərişlər” guya onları xəstəliklərdən xilas etməli idi.
Bölmənin digər xəbərləri
