ANTARKTİDA ALİMLƏRİN “HƏDƏFİNDƏDİR”
AZƏRTAC xarici ölkələrin informasiya agentliklərinə istinadla xəbər verir ki, oktyabrın axırlarında Böyük Britaniya, ABŞ, Almaniya, Avstraliya, Çin və Yaponiyanın Antarktika tədqiqat mərkəzlərinin bir qrup alim, mühəndis və pilotu ən iri elmi-texniki layihələrdən birini birlikdə həyata keçirməyə başlayacaqlar.
Bu beynəlxalq ekspediyasının məqsədi Şərqi Antarktidanın mərkəzi hissəsində buz qatı altında qalmış müəmmalı Hambursev dağlarının sirrlərini öyrənməkdən ibarət olacaqdır. Ekspedisiya planetdə ən qədim buz qatlarını, buzun altındakı göllələri tədqiq etmək, keçmişdə, müasir dövrdə və gələcəkdə baş vermiş və baş verəcək iqlim dəyişmələrini araşdırmaq məqsədi güdür.
Tədqiqatçılar ölçülərinə görə Alp dağlarından heç də geri qalmayan, yaşı 1,2 milyon ildən çox olan dağları öyrənməlidirlər. Ekspediyası müasir texnologiyaların ən son nailiyyətlərindən istifadə edəcəkdir. İki tədqiqat təyyarəsi dalğaları buz qatından keçərək yaya bilən radar qurğuları və maqnit sensorları ilə təchiz edilmişdir. ABŞ, Çin və Yaponiya alimləri Hambursev dağlarında seysmoloji tədqiqatlar da aparacaqlar. Ekspedisiyanın işləməsi üçün ayrıca iki iri düşərgə salınacaqdır.
Bölmənin digər xəbərləri
